Kompania e cila e premtoi veturën e parë elektrike në botë me energji diellore të gatshme për rrugë ka bërë kërkesë falimentimi vetëm 2 muaj pasi që njësitë e para të veturave të tyre dolën nga linja e prodhimit në Finlandë.
Raportohet se prodhimi i Lightyear Zero një veturë elektrike që mund të karikohet me energji diellore u ndërpre javën e kaluar pasi filiali i kompanisë, Atlas Technologies, deklaroi falimentimin.
Atlas Technologies është kompania operuese përgjegjëse për prodhimin e veturës diellore Lightyear Zero, me montim të kryer nga Valmet Automotive në Finlandë.
Lightyear fillimisht kishte për qëllim të ndërtonte 946 njësi të veturës diellore Zero prej 250.000 € (382.000 dollarë australian), megjithëse thuhet se “vetëm një pjesë e vogël e njësive të përfunduara dolën jashtë nga linja e prodhimit” e kjo përpara se prodhimi të ndërpritej për një kohë të pacaktuar.
I zbuluar si një prototip në vitin 2016 i quajtur Lightyear One Lightyear Zero i gatshëm për prodhim përfshin 5 metra katrorë panele diellore, të cilat kompania pretendon se mund të shtojnë deri në 12 kilometra rreze të vozitjes çdo orë në një ditë me diell.
Lightyear pretendon se bateria e Zero mund të karikohet gjithashtu gjatë vozitjes, duke thënë se makina diellore mund të “udhëtojë për muaj të tërë para se të ketë nevojë për një karikim nga priza” duke arritur një distancë deri në 725 km, raporton Drive.
Ndërsa Lightyear njoftoi më parë planet për të nisur një makinë elektrike më të përballueshme me energji diellore në 2024 ose 2025 të quajtur Lightyear Two debutimi i saj tani është në dyshim, megjithëse ringjallja e kompanisë thuhet se do të përqendrohet rreth modelit më të lirë, trasnmeton Telegrafi.
Reinoud van Oeijen, përgjegjës i falimentimit që mbikëqyr dosjen e Atlas Technologies, tha se do të ishte thelbësore për rifillimin e kompanisë, megjithëse asnjë nga 21.000 regjistrimet e interesit për veturën diellore nuk ka rezultuar në ndryshimin e parave.
