Reshjet e shiut kanë ngritur në këmbë gjithë Kosovën, qytetin e Skënderajt dhe atë të Mitrovicës shiu i la “nën” ujë, përcjell InLajmi.
Instituti Kombëtar i Shëndetësisë Publike, ka bërë një njoftim ka thënë se si pasojë e reshjeve të shiut, uji është turbulluar prandaj duhet vluar para përdorimit.
Reshjet e shumta të shiut këto ditë kanë shkaktuar po ashtu vërshime disa vende në Kosovë, për të cilat akoma nuk dihet së sa dëme iu kanë shkaktuar.
Njoftimi i plotë nga Instituti Kombëtar i Shëndetësisë Publike:
Situata aktuale me ujë të pijes në vendbanimet e vërshuara
Aktualisht, si rezultat i reshjeve të shtuara ditëve të fundit, prurjeve të mëdha nga zonat fushore dhe shkarkim i i ujërave drenuese, në shumicën e resurse ujore si pasojë është vërejtur ngritje e vlerave të turbullirës.
Vlera të shtuara të turbullirës, më shumë se 100 NT, janë regjistruar në disa burime dhe si pasojë ka vështirësi në trajtim të ujit në zonat:
KRU “Prishtina”- Rajoni Prishtinë: fabrika në Shkabaj dhe fabrika në Drenas.
KRU “Mitrovica”- Rajoni Mitrovicë: fabrika në Shipolit- Mitrovice dhe fabrika në Balice- Vushtrrisë
KRU “Hidrodrini”- Rajoni i Pejës: burimin Drini I Bardhe –Radavc dhe burimi Shkoze-Junik
KRU “Gjakovë”- Rajoni i Gjakovës: burimi në Demjan dhe Gërqinë.
KRU “Bifurkacioni”- Rajoni Ferizaj: fabrika në Pleshinë dhe sistemi në Kacanik
Në mostrat e grumbulluara deri sot nga rajonet me të reshuta të shtuara, analiza laboratorike fiziko-kimike rezultojnë me vlerë të ngritur të turbullirës e cila i tejkalon vlerat standarde të lejuara.
Mostrat për ekzaminim bakteriologjik deri më sot rezultojnë brenda standardeve të parapara.
Uji në rrjetet shpërndarëse nga këto sisteme për shkak të vlerave të shtuara të turbullirës nuk është brenda standardit të paraparë.
Rekomandohen konsumatorët që uji para përdorimit të vlohet si masë e sigurisë bakteriologjike e zbatueshme në situata me turbullirë të shtuar në resurse
Ekipet tona në teren vazhdojnë me monitorim të rregullt.
Jemi në kontakt dhe bashkëveprim të vazhdueshëm me personelin përgjegjës në KRU-të deri në stabilizimin e plotë të gjendjes./InLajmi/
