Ambasadori amerikan, Jeffrey Hovenier ka reaguar për plagosjen e djeshme të 2 serbëve në Shtërpcë.
Ai para mediave në Manastirin e Graçanicës, ku po mbahet liturgjia e Krishtlindjeve Ortodokse tha se është i shokuar me rastin dhe dënon të njëjtin.
Hovenier vlerësoi pozitivisht faktin që autoritetet e Kosovës reaguan shpejtë dhe arretuan të dyshuarin, lajmi.net.
“Ishte nder për mua që peshkopi Teodosije më ftoi të marr pjesë në shërbesën e mëngjesit për Krishtlindje dhe është traditë shekullore të përjetosh diçka të tillë. Do të doja të shfrytëzoj këtë rast për t’iu përgjigjur shkurt asaj që ndodhi dje në Shtërpcë dhe natyrisht, në emër të Shteteve të Bashkuara të Amerikës, të theksojmë se sa të tronditur jemi të gjithë nga ajo që ndodhi me 2 të rinjtë që u qëlluan dhe sigurisht e dënojmë atë akt”, tha ai.
“Gjithashtu, jemi mirënjohës që autoritetet vepruan shpejt dhe arrestuan autorin. Unë nuk kam asgjë tjetër për të shtuar për këtë përveç se qeveria e ka njohur faktin se ai është anëtar i FSK-së dhe do të veprojë në përputhje me procedurën”, tha Hovenier.
