Në Hagë është edhe një shok i moçëm i Nasimit, Hysni Gucati.
Edhe ky u shpall fajtor nga Trupi gjykues i Gjykatës Speciale, duke u dënuar me 4 vite e gjysmë burgim dhe gjobë prej 100 eurosh.
“E di, që as ai nuk do të donte ta thoja këtë. Por, ne si familje nuk ndjejmë aspak festa që nga dita kur babai është arrestuar. Festë për ne do të jetë dita kur të fitojë drejtësia”,thekson djali i tij, Musliu.
Mbajtja e “zisë” nuk është diçka që i shkonte përshtat Hysniut sa ishte në liri.
“Babai është njohur gjithmonë si person që ka dëshirë ta bashkojë familjen me ose pa festa të mbledh familjarë, miq e dashamirë edhe pa qenë arsye ndonjë festë”.
Kështu rëndomtë ishte edhe për Vitin e Ri.
“Komunikimin me babën e kemi të përditshëm nëpërmjet telefonatave ndërsa komunikojmë edhe përmes platformës Zoom disa herë gjatë muajit. Tash për shkak të gjendjes shëndetësore të babait mund të themi që në 2 muajt e fundit na është mundësuar pothuajse çdo ditë ta shohim përmes kësaj platforme”,pohoi ai.
Mungesë të njëjtë kanë edhe familjarë të tjerë.
Në Hagë, pos Gucatit e Haradinajt, ndodhën edhe ish-krerët e UÇK-së, Hashim Thaçi, Kadri Veseli, Jakup Krasniqi e Rexhep Selimi, shkruan FrontOnline.
Atje janë edhe Pjetër Shala e Cali, i cili së fundmi u dënua më 26 vjet burgim nga Specialja.
