Nënkryetarja e Partisë Demokratike e Kosovës, Vlora Çitaku tha se kjo e parti e mbështetë çdo hap dhe iniciativë që e përafron Kosovën me familjen evropiane, përcjell InLajmi.
Çitaku tha se aplikimi i Kosovës për anëtarësim në BE ka vlerë vetëm nëse është i koordinuar me aleatët përndryshe mbetet vetëm një aplikacion në sirtarët e mekanizmave të BE-së.
Ajo gjithashtu tha se PDK nuk është opozitë rrënuese dhe se anëtarësimi i Kosovës në BE duhet të trajtohet me seriozitet.
Postimi i plotë i saj:
Partia Demokratike e Kosovës e mbështetë çdo hap dhe iniciativë që e përafron Kosovën me familjen evropiane.
Aplikimi i sotëm i Kosovës për anëtarësim në B.E, si hap procedural, ka vlerë vetëm nëse është koordinuar paraprakisht me aleatët tanë. Përndryshe, mbetet vetëm një aplikacion më shumë në sirtarët e mekanizmave të B.E.
Për dallim nga VV e cila atëbotë nuk e kishte votuar MSA-në, PDK nuk është opozitë rrënuese.
Anëtarësimi i Kosovës në BE është aspiratë kombëtare e cila duhet trajtuar me seriozitet, dhe asesi nuk do të duhej reduktuar në një ceremoni foto/op./InLajmi/
