Nënkryetari i Lëvizjes Evropiane në Serbi, EPuS, Dushko Lopandiq, thotë se njoftimi për përfshirjen shtesë të Francës dhe Gjermanisë në dialogun ndërmjet Beogradit dhe Prishtinës konfirmon vlerësimin e aleatëve perëndimorë se situata në Ballkanin Perëndimor është potencialisht e rrezikshme dhe se në kontekstin e luftës në Ukrainë, përfshirja më e madhe është e nevojshme për të qetësuar tensionet në çështjet problematike, transmeton InLajmi.
Lopandiq tha për agjencinë Beta se letra e Macron dhe Scholz tregon një lloj vazhdimësie në veprimet e Francës dhe Gjermanisë që nga koha e Angela Merkeli. Sipas tij, përfshirja e këshilltarëve për punët e jashtme nga zyra e presidentit dhe kancelarit shihen si përpjekje për një takim të nivelit të lartë në kuadër të dialogut.
“Në të njëjtën kohë, kjo tregon përpjekjen që 2 vendet më të mëdha të BE-së të përfshihen më drejtpërdrejt në dialog, ku shihet dukshëm ndikimi i SHBA-së”, tha ish diplomati Lopandiq Megjithatë, siç shtoi ai, letra e presidentit francez dhe kancelares gjermane, ku shpallin pritjet për “vendime të vështira” nga Beogradi dhe Prishtina, mbetet ende tejet e paqartë kur bëhet fjalë për “perspektivat evropiane” brenda të cilit procesi i normalizimit do të lehtësohet për të 2 palët.
Lopandiq, kujtoi se Këshilli i BE-së me vite nuk i është përgjigjur propozimit të Komisionit Evropian për liberalizimin e vizave për banorët e Kosovës.
Ai shtoi se procesi i anëtarësimit të Serbisë në BE është ngadalësuar për një kohë të gjatë dhe që nga lufta në Ukrainë, BE nuk ka ndërmarrë masa konkrete që në thelb do të shpejtonin politikën e zgjerimit për Ballkanin Perëndimor.
Në anën tjetër, siç theksoi Lopandiq, kur është fjala për Serbinë, fjalët për “rrugëtim drejt BE-së” nuk pasohen me veprime, përkundrazi.
“Hapat pozitiv që lidhen me rregullimin e disa çështjeve, si kartat e identitetit me Prishtinën apo atmosfera pozitive nga takimet e samitit “Ballkani i Hapur”, nuk mund të jenë zëvendësim apo kompensim për reformat reale dhe europianizimin e vendit në çështje si rendi e ligji, forcimit të institucioneve apo luftës kundër korrupsionit”, përfundoi Lopandiq.
Ndryshe, kujtojmë se letra e drejtuar presidentit serb Aleksandar Vuçiq dhe kryeministrit të Kosovës Aljbin Kurti, të datës 4 shtator, nga kancelari gjerman Olaf Scholz dhe presidenti francez Emmanuel Macron kanë caktuar këshilltarët e tyre të politikës së jashtme dhe sigurisë, Jens Plotner dhe Emmanuel Bonn, që të mbështesin drejtpërdrejt Miroslav Lajçak për dialogun ndërmjet Beogradit dhe Prishtinës. /InLajmi/Sh.O/
