Një programues 26 vjeçar nga Larisa, Christos Apostolou, krijoi një aplikacion që do të na bëjë të harrojmë mushkonjat.
“Me aplikacion krijohet një mburojë lokale 3X3 që mbron nga mushkonjat”, theksoi ai.
Siç shpjegoi 26 vjeçari, aplikacioni bazohet në kërkimet e fundit 5 vjeçare dhe largon mushkonjat përmes frekuencave që mund të variojnë nga 12 në 200 HZ. Ai sqaroi gjithashtu se veshi i njeriut nuk i percepton këto frekuenca dhe nëse mund të kuptojmë diçka nga 100 Hz e më gjerë, mund të ulim volumin e celularit, shkruan Alsat mk.
“Ka një shumëllojshmëri frekuencash sepse ka shumë faktorë ekzogjenë si temperatura, lagështia dhe ajri”, theksoi Christos Apostolou dhe shtoi se ka krijuar aplikacione të tjera që ofrohen pa pagesë.
