Shefi i grupit parlamentar të Aleancës për Ardhmërinë e Kosovës, Besnik Tahiri, ka reaguar për vdekjen e regjisores Vjosa Berisha, përcjell InLajmi.
Tahiri ka thënë se regjisoren e ka njohur në mesin e bursistëve të Chevening ku së bashku e kishin themeluar edhe Asociacioni Chevening Alumni në Kosovë
Gjithashtu ai tha se shoqëria ka humbur një mike të madhe dhe vendi një profesioniste të fortë.
Postimi i plotë i tij:
Lajm i hidhur, ikja aq e hershme e mikes, regjisores, Vjosa Berisha!
E njoha në mesin e bursistëve të Chevening, një grua e fortë, një profesioniste të rrallë, e një mike të hareshme. Së bashku themeluam edhe Asociacioni Chevening Alumni në Kosovë.
Vjosa përherë do të kujtohet si luftëtare të madhe, e model për arritjet e përkushtimin e një zonje. Një udhërrëfyes, për nga motivi e puna profesionale, e para së gjithash, një njeri i çiltër që rrezatonte energji pozitive.
Shoqëria humbi një mike të madhe, e vendi një profesioniste e zonjë të fortë!
I paharrueshëm kontributi, i përjetshëm kujtimi për Vjosën! /InLajmi/
