Qeveria e Mbretërisë së Bashkuar është “thellësisht e shqetësuar” nga dënimet me vdekje të dhëna britanikëve Aiden Aslin dhe Shaun Pinner, transmeton InLajmi.
“Ne kemi thënë vazhdimisht se të burgosurit e luftës nuk duhet të shfrytëzohen për qëllime politike,”tha një zëdhënës i kryeministrit Boris Johnson.
“Sipas Konventës së Gjenevës, të burgosurit e luftës kanë të drejtën e imunitetit luftarak dhe ata nuk duhet të ndiqen penalisht për pjesëmarrje në armiqësi.
“Pra, ne do të vazhdojmë të punojmë me autoritetet ukrainase për të siguruar lirimin e çdo shtetasi britanik që shërbente në forcat e armatosura të Ukrainës dhe që mbahen si robër lufte.”shtoi ai.
Sekretarja e Jashtme Liz Truss tha se vendimi i gjykatës ishte një “gjykim i rremë pa absolutisht asnjë legjitimitet”.
Aslin, 28, dhe Pinner, 48 vjeç, dhe shtetasi maroken Saaudun Brahim, janë shpallur fajtorë për të qenë mercenarë dhe kanë ndërmarrë veprime drejt marrjes së dhunshme të pushtetit. Ata u dënuan në një gjykatë në Republikën e vetëshpallur Popullore të Donetskut të mbështetur nga Rusia, e cila nuk është e njohur ndërkombëtarisht./InLajmi/
