Carlo Ancelotti ka deklaruar se Liverpool ishte “më i lehtë” për Real Madridin sesa Paris Saint-Germain, Chelsea dhe Manchester City pas fitores së tyre në finalen e UEFA Champions League në Paris të shtunën.
“Los Blancos” fituan 1-0 ndaj ‘Reds’ të Jurgen KIopp për të fituar kurorën e tyre të parë kontinentale që nga viti 2018.
Pas ndeshjes, Ancelotti ka theksuar se Liverpooli ishte një kundërshtar “më i lehtë” sesa ata paraprak.
“Duke shikuar pas, njerëzit thanë se PSG ishte e pafat, Chelsea ishte e pafat, Manchester City ishte e pafat”, tha italiani në konferencën e tij për shtyp pas ndeshjes.
“Kjo ishte praktikisht e vetmja lojë ku njerëzit mendonin se ne ishim pak a shumë në të njëjtin nivel.
Mendoj se kjo ndihmoi që Liverpooli të ishte më i lehtë për t’u dëshifruar se të tjerët, sepse ata kanë një identitet shumë të qartë dhe ne mund të përgatitnim mënyrën që bëmë. Ne e dinim se çfarë strategjie të merrnim – të mos u lëmë atyre hapësirë prapa mbrojtjes për të vrapuar nëpër to, transmeton Sinjali.
Ndoshta futbolli ynë nuk ishte jashtëzakonisht i bukur në një nivel estetik, por të luanim nga prapa për të nxitur presionin e tyre nuk ishte një ide e mirë. Kishim edhe disa topa të gjatë, pastaj duhej ta kontrollonim topin më shumë, veçanërisht në pjesa e 2-të”, ka deklaruar Ancelotti.
