Anëtarja e Lëvizjes Vetëvendosje, Mimoza Kusari-Lila në mbledhjen e qeverisë në ditën e hënë ka thënë se kanë diskutuar për fillimin e formimit të ekipit për reforma zgjedhore, raporton InLajmi.
Kusari-Lila ka informuar se seanca e radhës do të mbahet me datën 19 maj në ora 10:00.
“U vendos që seanca e re të mbahet me 19 maj në ora 10:00. Pas përmbylljes së pikave të seancës së re do vazhdohet me debatin parlamentar për siguri. Sot, në mbledhje kemi diskutuar për konstituimin dhe fillimin e ekipit për reforma zgjedhore. Janë kërkesa të akumuluar tash ndër vite. Disa here janë bërë përpjekje për të hyrë në reforma zgjedhore” tha ajo
Shefja parlamentare e VV-së ka shtuar se reformat zgjedhore janë kërkesa të akumuluara ndër vite.
Kusari-Lila ka thënë se është një fakt i pakontestueshëm se Kosova ka hyrë në një stad stabil të zgjedhjeve dhe se është mundësia për lehtësimin në votim të shtetaseve tanë që janë jashtë vendit./InLajmi/
