Policia e Kosovës ka bërë të ditur se ka ndërruar jetë një person në fshatin Kijevë të Malishevës, pasi i njejti u godit nga një veturë të shtunën mbërma, rreth orës 21:36, përcjell InLajmi.
Lajmin për Gazetën InLajmi e ka konfirmuar zëdhënësi i policisë për rajonin e Gjakovës, Nysret Gjurkaj.
Viktima ka ndërruar jetë si pasojë e lëndimeve të rënda trupore që nuk mundi t’ përballonte, ndërsa i dyshuari është arrestuar.
‘’Me datë 19.02.2022 rreth orës 21:30 policia është njoftuar se në fshatin Kijevë – Malishevë ka ndodhë aksident komunikacioni me fatalitet, të përfshirë një automjet civil dhe një këmbësor. Deri te aksidenti kishte ardhur derisa i dyshuari E.U – i lindur 2002, kishte qenë duke drejtuar automjetin e ti Vw-Tiguan në rrugën kryesore të fshatit Kijevë, në drejtim të fshatit Cerravik, dhe kur ka arritur në breg të Kjjevës , duke mos iu përshtatur shpejtësisë, kushteve dhe rrethanave të rrugës, pa pritmes me pjesën ballore të anës së djathtë, godet këmbësorin tani të ndjerin I.K, i lindur në vitin 1962 , cili ne momentin kritik kishte qenë duke ecur në skaj të rrugës në anën e djathtë, dhe si pasojë e goditjes fatale viktima humb jetën në vendngjarje‘’, ka thënë Gjurkaj.
Tutje Gjurkaj ka pohuar se vdekjen e viktimës e ka konstatuar mjeku kujdestar i QKMF-Malishevë.
Ndërsa në lidhje me rastin është njoftuar prokurori kujdestar, dhe me urdhër të prokurorit viktima dërgohet për autopsi , ndërsa i dyshuarin ndalohe për 48 orë. Hetimet në vijimësi.InLajmi/
