Kosova, këtë të premte ka pranuar mbi 500.000 doza të vaksinës Pfizer të siguruara nga Shtetet e Bashkuara të Amerikës, raporton InLajmi.
Presidentja e vendit, Vjosa Osmani i ftoi qytetarët që të vaksinohen me dozën përforcuese.
“Për momentin Kosova ka mjaftueshëm vaksina. Vaksina është beteja e vetme ndaj koronavirusit. Ne duhet të jemi falënderues për mbështetjen që kemi marrë nga miqtë tanë. Duke nisur nga SHBA dhe nga BE dhe shtetet e shumë organizata të tjera”,tha Osmani.
E kur sot kemi sasi të konsiderueshme vaksinash, ajo tha se duhet të rritet shpresa dhe përpjekja me përballjen me koronavirusin.
“Sa më shumë vaksina aq më pak vdekje, sa më shumë vaksinim aq më shumë optimizëm, sa më shumë vaksinim aq më shumë shanse për hapje”,tha Osmani./InLajmi/
