Famijarët e fëmijëve të vrarë gjatë luftës paralajmëruan se do të mbledhin nënshkrimet e të gjithëve dhe do ngritin padi.
Në këtë vend do të duhej që të ngritej tashmë kompleksi memorial në formë obelisku.
Përballë Aeroportit Ndërkombëtar “Adem Jashari” do të mbillen edhe 1432 pemë, ku secila do ta marrë emrin e një fëmije të vrarë në luftë.
Megjithatë ky kompleks ka mbetur pa përfunduar.
“Në emër të familjarëve do të ngrisim padi për vrasjen e 1432 fëmijëve andaj kjo ka mbetur pezull për shkak të mosmarrëveshjeve mes Agjencisë së Privatizimit dhe Zyrës së Kryeministrit. Tash e një vit jemi në pritje të përgjigjes së tyre, po shpresojmë që vitin që vjen të zhbllokohet ky proces i ndërtimit të kompleksit dhe 20 nëntorin ta shënojmë në kompleksin për këta fëmijë martirë”, ka thënë dizajnuesi i kompleksit, Rrezart Galica.
E veç krijimit të këtij kompleksi, familjarët e viktimave po planifikojnë që të ngrisin padi për vrasjen e tyre.
Në këtë ngjarje prezent ishte edhe një nga shumë prindërit që serbët ia vranë fëmijët. Xhavit Muqollit ia vranë vajzën 4-vjeçare dhe djalin 2-vjeçar.
Krijimi i një kompleksi të tillë do të ishte lehtësim për familjarët.
“Sot këtu kemi ardhur për të përuruar apo për të vendosur billbord, e cila e mira së mirës do te ishte të ishte i realizuar projekti edhe pse shumë i vonuar shpresojmë mos të mbetet vetëm në letër”, ka thënë Muqolli, babai i dy fëmijëve të vrarë.
E shënimin e 30-vjetorit të Konventës për të Drejtat e Fëmijëve, u bë edhe në hapësirat e Bibliotekës Kombëtare.
E pranishme ishte Natalyia Apostolova, shefe e Zyrës së BE-së në Kosovë.
Ajo pos tjerash foli edhe për gjendjen e tanishme të fëmijëve në Kosovë duke përmendur ata që kërkojnë lëmoshë dhe punojnë punë të rënda, shkruan lajmi.net
Nga ky organizim u tha se fëmijët nuk i gëzojnë të drejtat e tyre, ndërkohë që u bë thirrje për respektim të ligjit.
Shënimi i kësaj dite u prit edhe nga Koalicioni i OJQ-ve për Mbrojtjen e Fëmijëve në Kosovë, ku në zyrat e tyre pritën prind e fëmijë.
