Brenda 24 orëve të fundit në vendin tonë 424 persona kanë rezultuar pozitiv me koronavirus, numër ky që ditëve të fundit po shënon rritje të ‘frikshme’, shkruan InLajmi.
Sipas infektologut Hamdi Ramadanit rritja e numrit të të prekurve me koronavirus ka qenë e pritshme , pasi që krejt bota është duke u ballafaquar me koronavirus.
Por për të “shpëtuar” më lehtë nga koronavirusi, gjegjësisht nga variant Omicron i cili në muajt e fundit është përhapur me shpejtësi të madhe, Ramadani bënë këtë apel.
“Në krejt botën ka disa muaj që ky variant është përhapur me të madhe. Te na fatmirësisht numri i të prekurve me koronavirus ka qenë më i vogël por tash së fundmi, për festat që kanë ardhur numër i madh i bashkatdhetarëve është përhapur me të madhe dhe normalisht se edhe rritet numri”,tha Ramadani në një prononcim të shkurtër për Gazetën InLajmi.
Ai e ritheksoi se qytetarët për ta kaluar sa më lehtë këtë virus, duhet patjetër të kenë 2 dozat e vaksinës, derisa si përforcuese duhet të merret edhe doza e 3.
“Mendoj se duhet të merret doza e 3 doza, është masa, arma kryesore kundër virusit. Por vazhdoj ta them përsëri se maska, higjiena e distanca janë promotorë se si ta menaxhojnë situatën me pandemi, gjegjësisht me Omicron. Por, nëse merret doza e 3, mundësia e Omicronit është shumë e vogël dhe kontrollohet më lehtë”,theksoi Ramadani. /InLajmi/
