Grykës së Rugovës i është shtuar edhe një urë e cila po cilësohet si më e veçanta në Ballkan.
Vizitorët që nga sot do të kenë edhe një arsye më shumë për t’i parë atraksionet në këto vende.
“Ura Tibetiane” e cila është e gjatë 41 metra është e vendosur në lartësi prej 60 metrash.
Në inaugurimin e kësaj ure mori pjesë edhe kryetari i Komunës së Pejës, Gazmend Muhaxheri dhe Drejtoresha për Zhvillim Ekonomik në Komunën e Pejës, Xhenet Syka.
Xhenet Syka tha se kjo urë ka inovacion të jashtëzakonshëm.
“Jeni dëshmitarë në promovimin e një inovacioni të jashtëzakonshëm, i cili sipas normave dhe strukturës është produkti më unik në Pejë dhe rajon quhet ‘Ura Tibetiane’, ku duhet të kalohen 80 shkallë për t’u hapur pista dhe vendkalimi për Via Ferratën më të re, e cila gjithashtu promovohet sot është Via Ferrata ‘Marimangat’”.
“Kjo e begaton pakon e integruar të turizmit aventurier dhe e rrit potencialin turistik në komunën tonë”, theksoi ajo.
Postimi i plotë:
Inaugurimi i projektit “Ura Tibetiane” dhe Via Ferrata “Marimangat”
Kryetari i Komunës së Pejës, z.Gazmend Muhaxheri dhe Drejtoresha për Zhvillim Ekonomik në Komunën e Pejës, znj.Xhenet Syka kanë inauguruar projektin “Ura Tibetiane” dhe Via Ferrata “Marimangat” në Grykën e Rugovës në kilometrin e 6-të.
Ky inovacion turistik është projekt kapital i financuar nga Komuna e Pejës – Drejtoria për Zhvillim Ekonomik, Agjencia Zvicerane për Zhvillim dhe Bashkëpunim përmes projektit Promovimi i Punësimit në Sektorin Privat dhe implementuar nga Shoqata e Alpinistëve “Marimangat e Pejës”.
Drejtoresha Syka i përshëndeti të pranishmit dhe ndër të tjera tha: “Jeni dëshmitarë në promovimin e një inovacioni të jashtëzakonshëm, i cili sipas normave dhe strukturës është produkti më unik në Pejë dhe rajon quhet “Ura Tibetiane”, ku duhet të kalohen 80 shkallë për t’u hapur pista dhe vendkalimi për Via Ferratën më të re, e cila gjithashtu promovohet sot është Via Ferrata “Marimangat”. Kjo e begaton pakon e integruar të turizmit aventurier dhe e rrit potencialin turistik në komunën tonë”.
Kjo është ura më e gjatë në Gadishullin Ballkanik me gjatësi 41 metra dhe lartësi 60 metra. /InLajmi
