Festa e Bajramit fillon me diell dhe vranësira të pakta lokale. Gjatë ditës rritje e temperatuve dhe pritet vapë e vërtetë verore me temperatura maksimale nga 31 deri në 34 gradë Celsius. Pasdite vonë në juglindje dhe lindje të vendit kryesisht në disa zona kodrinore-malore mund të ketë zhvillime konvektive me rrebeshe të izoluara shiu me vetëtima, bubullimë dhe breshër.
Në viset tjera priten zhvillime por krejtësisht të izoluara.
Në Shqipëri, Maqedoninë Veriore, Luginë të Preshevës dhe Mal të Zi të Premten pritet të mbajë mot kryesisht me diell dhe mjaft i nxehtë veror. Pasdite vonë në verilindje të Maqedonisë së Veriut kryesisht dhe rrallë në ndonjë zone tjetër të rajonit mund të ketë zhvillim të ndonjë rrebeshi të izoluar të shiut me vetëtima, bubullimë dhe breshër, shkruan MeteoBallkan
Në shumicën e territorieve të viseve tona nuk do të ketë reshje por zhvillimet do të shihet nga distanca.
Fundjava vjen me diell dhe vapë të fortë verore. Të Hënën depërtim i një fronti të ftohtë ajror me ulje të temperaturave, por mbetet kryesisht thatë.
