Demenca nuk është një sëmundje në vetvete, por është një term i përdorur për të përshkruar një grup simptomash, të cilat përfshijnë humbjen graduale të kujtesës, rënien e aftësisë për të menduar dhe arsyetuar, si dhe probleme me komunikimin, transmeton InLajmi.
Rreziku për zhvillimin e demencës rritet në mënyrë dramatike me moshën, por ka shumë persona në moshë të re me probleme demence.
Rastet e reja të demencës mund të parashikohen me saktësi deri në 92%, shumë më mirë se 2 metoda ekzistuese alternative kërkimore, sipas studiuesve.
Inteligjenca Artificiale (AI) mund të parashikojë me saktësi deri në 92% nëse një person do të zhvillojë demencë brenda 2 viteve dhe gjithashtu mund të zvogëlojë numrin e njerëzve të diagnostikuar gabimisht, sipas një studimi të ri.
Teknika e AI e quajtur mësimi i makinerive funksionon duke dalluar modelet e fshehura në të dhëna dhe duke mësuar se kush është më i rrezikuar.
Simptomat e demencës mund të përfshijnë probleme me humbjen e kujtesës, shpejtësinë e të menduarit, mprehtësinë dhe shpejtësinë mendore, gjuhën, të tilla si përdorimi i gabuar i fjalëve, ose vështirësi në të folur, të kuptuar, gjykim, humor, lëvizje dhe vështirësi në kryerjen e aktiviteteve të përditshme.
Studiuesit nga Universiteti i Exeter shikuan të dhënat për një periudhë 10-vjeçare nga 15.300 pacientë që morën pjesë në një rrjet prej 30 klinikash memorie në SHBA, shkruan Sky news.
Studiuesit shpresojnë të vazhdojnë kërkimet e tyre për të kuptuar përdorimin praktik të teknologjisë së AI brenda klinikave.
“Inteligjenca artificiale ka potencial të madh për përmirësimin e zbulimit të hershëm të sëmundjeve,“tha Dr Rosa Sancho, kreu i kërkimit në Alzheimer’s Research UK. /InLajmi/
