Kriza energjetike këto ditë ka kapluar vendin tonë, derisa reduktimet edhe pse u tha se janë 8 me rrymë dhe 2 pa të, kjo nuk po qëndron. Reduktimet në disa vende e lagje të Kosovës po janë pa orar, dhe në shumë orë në “terr”, raporton InLajmi.
Lidhur me këtë zëdhënësi i KEDS-it, Viktor Buzhala në një konferencë për medie ka bërë me dije se arsyet e kthimit të reduktimeve.
“Vendi aktualisht është duke u përballur me vështirësi bukur të mëdha. Në bazë të analizave që janë bërë janë 3 faktorë që ndikojnë në këtë gjendje është rritja e madhe e konsumit të energjisë elektrike në vend, pamjaftueshmëria e prodhimit dhe kriza ndërkombëtare që ka rritur çmimet në nivel shumë të lartë. Konsumi ka arritur deri në 1.400 MË në orë që nuk është shënuar asnjëherë në histori të Korporatës. Prodhimi shkon në 600 MË dhe e kemi jashtë njësinë B të termocentralit Kosova B. Edhe çmimet e importit po shkojnë në 600 euro për MË e që janë dhjetëfish më të larta sesa vitin e kaluar”,ka thënë ai.
E pse pikërisht tash janë rikthyer reduktimet, sidomos për faktin se temperaturat janë të ulëta, Buzhala ka dhënë këtë shpjegim.
“Ne për disa muaj e kemi bartur barrën e furnizimit me energji elektrike për konsumatorët. Nuk kemi aplikuar reduktime për asnjë konsumatorë derisa na u shtjerrën resurset. Komplet sistemi është bërë likuid dhe ne kemi filluar me kufizime. Po flasim për kufizime që kanë ndodhur për herë të parë në historinë e kompanisë, domethënë pas 8 vitesh, pra pas kaq vitesh kemi filluar me kufizime”,ka thënë ai.
I pyetur lidhur me akuzat e kryetarit të PSD-së, se KEDS është shkaktare për këtë krizë, Buzhala ka thënë se për këtë janë duke u marrë zyra ligjore.
Tutje Buzhala ka thënë se pretendimet e Dardan Molliqajt janë absurde derisa ka shtuar se me deklarimet e Molliqajt po merret edhe zyra ligjore e KEDS-it./InLajmi/
