Kryetari i PSD-së, Dardan Molliqaj, ka mbajtur një konferencë për media, ku ka paraqitur 3 pikat kryesore të mungesës së energjisë dhe informatat që ata i kanë, raporton InLajmi.
Mollliqaj ka kërkuar hetim urgjent nga organet kompetente rreth çështjeve që ai i ka diskutuar.
3 pikat kryesore që duhet të hetohen sipas Molliqaj janë:
Sipas informacioneve të tyre, rënia e bllokut A3 dhe A5 ka qenë qëllimisht e shkaktuar nga KEDS-i. Nëse vërtetohet se ka qenë kështu sipas tij kjo i bie që kanë pasur qëllim të përbashkët me qeverinë.
Pika tjetër që ai e ka diskutuar ka qenë për zhvillimet në “Kosovën A”, pasi për herë të parë ka vendosur pushim të detyruar të menagjmentit të mbi 10 inxhinierëve kryesorë të prodhimit.
“Nëse menagjementi është duke bërë hetime, duhet të jenë transparentë dhe të na njoftojnë të gjithëve”,thotë Molliqaj.
Por ai thekson se nëse ky pushim i detyruar është për të sabotuar ndërmarrjen publike, derisa tutje tha se kërkojnë llogari nga KEDS-i.
Pika tjetër që Molliqaj e diskutoi ishte se tashmë kanë nisur negociatat në mes Kosovës dhe Maqedonisë për shitblerjen e thëngjillit të Kosovës.
Sipas informacioneve të tyre, qeveria e Maqedonisë së veriut e ka ndarë një fond prej 3 milionë eurosh, për të blerë thëngjill.
Madje ajo e ka shpallur tenderin dhe në Maqedoni disa kompani e kanë fituar këtë.
“Është hera e parë që Ministria e Zhvilimit të Ekomonisë po e shet thëngjillin”,tha ai.
Sipas tij, dyshimet deri më tani janë se çmimi potencial që Kosova do të ofrojë për shitje do të jetë diku 20 euro, më saktësisht 17 euro. Dhe 16 euro për ton do të jetë kosotja e transportit.
Molliqaj po ashtu tha se është urgjente që Qeveria e Kosovës të bëjë të domosdoshme negociatat për këtë çështje, derisa tha se janë kundër kësaj oferte për çmimin e thëngjillit dhe këtë e quan “zhvatje “.
Molliqaj kërkon transparencë nga KEDS-i që të publikojë një raport detajues se sa po shpenzon Kosova energji elektrike.
Në fund ai fton mediat dhe të gjithë ata që kanë informata që të merren me këtë fenomen. /InLajmi/
