Ministri i Kulturës, Rinisë dhe Sportit, Hajrulla Çeku, ka bërë të ditur së ka filluar bashkëpunimi më Këshillin e Kosovës për Trashëgimi Kulturore (KKTK), gjegjësisht ka filluar plotësimi i legjislacionit sekondar, raporton InLajmi.
Çeku ka thënë se kjo do të krijojë një bazë të fortë të një procesi profesional për të vlerësuar trashëgiminë kulturore, në bazë të standardeve dhe parimeve ndërkombëtare.
Ai tutje ka shtuar se pas angazhimeve intensive të këtij institucioni dhe në koordinim të ngushtë më KKTK-në, gjatë javës në vazhdim do të dorëzojnë grupin e parë të propozimeve për mbrojtje të përhershme të aseteve të trashëgimisë sonë të pasur kulturore.
“Në bashkëpunim të ngushtë me Këshillin e Kosovës për trashëgimi kulturore kemi filluar me plotësimin e legjislacionit sekondar përkatës i cili do të krijojë një bazë të fortë për një proces profesional të vlerësimit të trashëgimisë kulturore sipas standardeve dhe parimeve ndërkombëtare. Gjithashtu pas një angazhimi intensiv të institucioneve të trashëgimisë kulturore dhe në koordinim të ngushtë me KKTK-në gjatë kësaj jave do të dorëzojmë grupin e parë të propozimeve për mbrojtje të përhershme të aseteve të trashëgimisë sonë të pasur kulturore”, ka thënë Çeku. /InLajmi/
