Koreja e Veriut lëshoi një raketë me rreze të shkurtër në det pothuajse në të njëjtin moment kur diplomati i saj në OKB-së po kritikonte “politikën armiqësore” të SHBA-së kundër saj, transmeton InLajmi.
Raundi i tretë i lëshimit të armëve këtë muaj, erdhi vetëm 3 ditë pasi Koreja e Veriut përsëriti ofertën e saj për bisedime me kusht me Korenë e Jugut. Disa ekspertë thonë se lëshimi i fundit i raketave ka të ngjarë të ketë për qëllim të provojë sesi Koreja e Jugut do të përgjigjet pasi Koreja e Veriut ka nevojë për Seulin për të bindur Uashingtonin të lehtësojë sanksionet ekonomike dhe të bëjë lëshime të tjera.
Në një takim urgjent të Këshillit të Sigurisë Kombëtare, qeveria e Koresë së Jugut shprehu keqardhje për atë që ajo e quajti “një lëshim raketash me rreze të shkurtër” nga Veriu.
Komanda Indo-Paqësore e SHBA tha se lëshimi nuk përbënte një kërcënim të menjëhershëm, por theksoi “ndikimin destabilizues të programit të armëve të paligjshme”.
Kryeministri japonez Yoshihide Suga tha se Koreja e Veriut gjuajti “një raketë balistike” dhe se qeveria e vendit të tij ka rritur vigjilencën dhe mbikëqyrjen, shkruan AP.
Një lëshim i raketës balistike shkelë një ndalim të Këshillit të Sigurimit të Kombeve të Bashkuara për aktivitetet balistike të Koresë së Veriut, por këshilli zakonisht nuk vendos sanksione të reja ndaj Koresë së Veriut për lëshimin e armëve me rreze të shkurtër./InLajmi/
