Deputeti i Aleancës për Ardhmërinë e Kosovës, Pal Lekaj, ka komentuar vendimin e Kryeministrit shqiptar Edi Rama për Mini-Shengenin, raporton InLajmi.
Ai është shprehur se Kosova ka shumë pika të përbashkëta me Shqipërinë e prandaj nuk duhet anashkaluar interesat e vendit tonë.
“Sa i përket kryeministrit të Shqipërisë, Edi Rama, mendoj që ai i njeh politikat e Shqipërisë dhe interesin e vendit por për të mos anashkaluar në shumicën e rasteve edhe interesin e Kosovës. Ne kemi shumë pika që na bashkojnë me kryeministrin e Shqipërisë por në rastin e Mini-Shengenit besoj që ka gabuar, dhe që Kosova me të drejtë nuk ka marrë pjesë në takim”, tha Lekaj.
Lekaj shtoi se Kosova nuk duhet të hyjë në ujëra të turbullta.
“Ne si Kosovë nuk guxojmë të hymë në ujëra të turbullta ku dihet që edhe ekonomikisht jemi dobët dhe ai që e ka kapitalin dhe ka tregun mund të ndikojë në politika”, theksoi tutje ai./InLajmi/
