Ministrja e Drejtësisë Albulena Haxhiu falendëroi Kuvendin për mbështetjen që i’u dha anëtarëve të Komisionit për Provimin e Jurisprudencës, përcjell InLajmi.
Haxhiu përmes një postimi në Facebook tha që si Ministre e Drejtësisë do të përkushtohet që organizimi i provimit të Juriprudencës të bazohet në parimet e integritetit, profesionalizimit e meritokracisë.
Ajo shtoi se me mendësi të vjetra vetëm dëme i bëjmë vendit, prandaj për t’u siguruar që gjithçka do të shkoj siç duhet ky proces do të jetë transparent dhe do të mbikqyret nga kushëdo që shpreh interes.
Postimi i plotë i saj:
Dua të falenderoj Kuvendin për mbështetjen që i dha anëtarëve të Komisionit për Provimin e Jurisprudencës.
Si Ministre e Drejtësisë do të përkushtohem që organizimi i provimit të Jurisprudencës të bazohet në parimet e integritetit, profesionalizmit e meritokracisë.
Kontributin më të madh në këtë drejtim do ta japin anëtarët e Komisionit.
Ka kaluar koha e ndikimit në punën e anëtarëve të Komisionit dhe koha kur dikush mendon ta kalojë provimin pa meritë.
Me mendësi të vjetra vetëm dëme i bëjmë vendit, prandaj për t’u siguruar që gjithçka do të shkoj siç duhet ky proces do të jetë transparent dhe do të mbikqyret nga kushëdo që shpreh interes. /InLajmi/
