Policia e Kosovës ka njoftuar se gjatë ditës së enjte ka zënë në flagrancë 7 persona duke luajtur bigjoz të paligjshëm dhe organizimin e skenave piramidale në Pejë, përcjellë InLajmi.
Sipas Policisë 7 personat janë dërguar në Stacionin Policor në Pejë dhe pas intervistimin një është derguar në mbajtje dhe më të tjerët do të vazhdojnë procedurat e rregullta.
Njoftimi i plotë i Policisë së Kosovës:
Më, 08.04.2021, policia është njoftuar për një rast organizimi i skemave piramidale dhe bixhozit të paligjshëm në rrugën Beqir Idrizi Pejë.
Patrulla policore i është përgjigjur njoftimit dhe në vendin e ngjarjes, në flagrancë ka arrestuar dhe shoqëruar 7 të dyshuar në Stacionin Policor Pejë. Policia ka intervistuar7 të dyshuarit dhe po ashtu në cilësi të dëshmitarëve ka intervistuar edhe 3 persona tjerë.
Lidhur me rastin është njoftuar prokurori kujdestar, në koordinim me të cilin një i dyshuar është dërguar në mbajtje, kurse ndaj të tjerëve do të vazhdohet procedurë e rregullt. Po ashtu, Të gjithë personave të cilët kanë qenë në atë lokacion u janë shqiptuar edhe fletëparaqitje (gjoba, tiketa) bazuar në ligjin NR.07/L-006. /InLajmi/
