Nënkryetari i PDK-së, Uran Ismaili komentuar rezultatin e zgjedhjeve të 14 shkurtit, ku ka thënë PDK-ja e ka të qartë mesazhin e qytetarëve, përcjellë InLajmi
Ai ka thënë se kjo parti për ta fuqizuar shtetin e demokracinë , do të bëjë opozitë si udhëheqëse që përfaqëson qytetarët.
Ndër të tjera Ismaili ka thënë se shpreson që që institucionet të formohen sa më shpejtë
Postimi i plotë i tij:
Qytetarët e Republikës së Kosovës, me votë të lirë, dëshmuan edhe një herë se vendi ynë ka ndërtuar institucione që organizojnë zgjedhje të shkëlqyeshme, shumë mbi nivelin e rajonit.
PDK e ka të qartë mesazhin, dhe për ta fuqizuar shtetin e demokracinë – do të bëjë opozitë, si udhëheqëse që përfaqëson qytetarët.
Ne do të jemi në shërbimin e tyre të plotë. Shpresoj që institucionet të formohen sa më shpejtë.
Falemnderit të gjithë qytetarëve për pjekurinë dhe korrektësinë e treguar në procesin zgjedhor.
Në veçanti, mirënjohje të pafundme për të gjithë mbështetësit, votuesit dhe aktivistët e Partisë Demokratike të Kosovës, që me devotshmërinë e tyre të pashembullt mundësuan një fushatë të jashtëzakonshme.
Pas këtij kapitulli, gjëja më e sigurt nga e gjithë kjo është se ne do të jemi vetëm më të fortë. /InLajmi/
