Asosacioni i gazetarëve të Kosovës ka reaguar në lidhje me gjuhën linçuese në drejtim RTV Dukagjinit nga Lidhja Demokratike e Kosovës dhe Partia Demokratike e Kosovës, përcjell InLajmi.
Për AGK-në kjo është tërësisht e papranueshme dhe po ushtron trysni ndaj gazetarëve pra kolegëve tanë.
Ndersa AGK-ja reagimin e PDK-së dhe LDK-së ndaj televizionit në fjalë e cilëson si një presion të drejtpërdrejtë në politikat redaktoriale dhe formë direkte e presionit publik.
Postimi i plotë i Asosacionit të Gazetarëve të Kosovës:
“Reagim ndaj gjuhës linçuese të PDK-së dhe LDK-së në drejtim të RTV Dukagjinit
PRISHTINË, 21.01.2021 – Asociacioni i Gazetarëve të Kosovës – AGK, me shqetësim po e përcjellë gjuhën linçuese të Lidhjes Demokratike të Kosovës dhe Partisë Demokratike të Kosovës në drejtim të RTV Dukagjinit.
Gjuha e tillë linçuese për AGK-në është tërësisht e papranueshme dhe përbën trysni ndaj kolegëve tanë gazetarë.
AGK-ja vlerëson se ky është presion i drejtpërdrejtë në politikat redaktoriale dhe formë direkte e presionit publik.
Duke i akuzuar mediet se po favorizojnë një subjekt politik, i bëjnë ato target të sulmeve. AGK-ja u bënë thirrje partive politike që nëse kanë ankesa në drejtim të ndonjë mediumi, t’i drejtojnë ato tek organet kompetente.
Kjo mënyrë e qasjes së subjekteve politike ndaj medieve, për AGK-në përbën sulm ndaj lirisë së shprehjes”/InLajmi/
