Elon Musk ka zbuluar rezultatet e një testi të gjerë droge pas pretendimeve se ai po merrte ketaminë ndërsa ishte në Shtëpinë e Bardhë.
Në fillim të këtij muaji, koha e manjatit miliarder të teknologjisë në drejtimin e Departamentit të Efikasitetit të Qeverisë (DOGE) mbaroi – dhe me të, me sa duket, statusi i tij i “shokut të parë” me presidentin Donald Trump.
Megjithatë, nuk ishin vetëm ankesat e tij në mediat sociale për POTUS që erdhën si një zbulim i çuditshëm, pasi dolën thashetheme që akuzonin Musk se kishte marrë drogë ndërsa punonte në Shtëpinë e Bardhë.
Një raport bombë në New York Times tregoi burime që akuzonin 53-vjeçarin se kishte mbajtur një “kuti pilulash” me ilaçe gjatë udhëtimeve të tij dhe se ai kishte marrë drogë, duke përfshirë ketaminë, ekstazi,…, deri në një herë në ditë vitin e kaluar.
Tani, Musk i ka hedhur poshtë thashethemet duke postuar rezultatet e një testi laboratorik droge të cilat tregojnë se ai është “negativ” në të gjitha aspektet.
Letra që konfirmon rezultatet e tij zbulon se ai bëri një test urine më 11 qershor të këtij viti për 19 droga, duke përfshirë amfetamina, ekstazi, kokainë dhe ketaminë, të cilat rezultuan të gjitha ‘negative’.
Ai thjesht e përshkroi raportin me ‘lol’ në postimin e tij në Twitter, transmeton Telegrafi.com
Rezultatet vijnë ndërsa Musk u përfshi në një përplasje publike me Trump pasi la postin e tij në krye të DOGE.
