Ambasada e Shteteve të Bashkuara të Amerikës në Kosovë ka shprehur falënderim për Policinë e Kosovës, për mbështetjen e ofruar në rritjen e gatishmërisë për siguri në objektin e ambasadës,
Në njoftimin e saj, ambasada thekson se rojet, stafi i sigurisë dhe Rojet Detare të Sigurisë së SHBA-së, së bashku me policët e caktuar për mbrojtjen e ambasadës, kanë zhvilluar trajnim në përdorimin e armëve, duke përdorur poligonin e qitjes të Policisë së Kosovës, shkruan Gazeta Sinjali.
‘‘Faleminderit Policisë së Kosovës për mbështetjen ndaj gatishmërisë për siguri të Ambasadës së SHBA-së dhe për mundësimin e përdorimit të poligonit të tyre të qitjes për kualifikimet me armë. Rojet e ambasadës, stafi i sigurisë dhe Rojet Detare të Sigurisë të SHBA-së, së bashku me oficerët e #PoliciaeKosovës të caktuar për mbrojtjen e Ambasadës, ruajtën aftësinë e tyre në përdorimin e armëve. Ky trajnim përmirëson gatishmërinë në rast emergjence, forcon bashkëpunimin në fushën e sigurisë ndërmjet SHBA-së dhe Kosovës, dhe ndihmon në mbajtjen e sigurisë së Ambasadës dhe vendeve tona’’, thuhet në reagim.
