U desh më pak se një vjet, të pjesmarrjes në garat të ndryshme të kartingut nëpër Kosovë, që Blin Shala t’i fascinoj ekspertët e këtij sporti, jo vetëm në Kosovë, shkruan InLajmi.
I lindur me 16 prill të vitit 2014 në Prizren, qysh si fëmijë, (meqë baba i tij Iliri, është motorist), i adhuronte motorat si dhe automjetet për gara karting. Mirëpo, guximin që ta drejtoj një automjet, e mori në fillim të vitit 2024, ku si nxënës në klasën e IV, regjistrohet në autokolubin “Genc & Drini”, në Prizren.
Dhe, që në garat e para të kartingut slalom në Kosovë, plasohet në vendin e tretë, pastaj në të dytin dhe dy herë zë vendin e parë. Kurse në plasmanin e përgjithshëm të kalendarit të FASK, (Federata e AutoSportit të Kosovës), për vitin 2024 zë vendin e dytë për kategorinë e vet.
Për këto suksese Blin Shala, tani nxënës shembullor në klasën e V, në shkollën fillore “Loyola” në Prizren, në dhjetor të vitit 2024, nga DKRS në Prizren, si dhe nga FASK-u, në ceremonitë sportive të fundvitit, u shpërblye me Mirënjohje si shpresë i sportit të kartingut në Kosovë.
Ndërkaq, gjatë bisedës që bëmë këto ditë për InLajmin, me Blinin dhe babain e tij Ilirin, mësuam se para pak javësh, për sezonin e këtij viti (2025), ky talent 11 vjeçar i shtigjeve të shpejta, u testua në qytetin Cremona të Italisë, ku me ekipin Spirit Karting AG nga Zvicrra, arrin të ketë kohë të mirë në shteg, duke qenë në kualifikim me garuesit e shumë ekipeve tjera nga mbarë bota. Nga ky testim garuesit të ri, Blin Shala, i është dhënë mundesia që me Spirit karting të garoj në kampionatin Zvicërran. O.Goranci /InLajmi/
