Presidenti serb, Aleksandar Vuçiq, ka akuzuar rëndë Malin e Zi për siç thotë ai lojë të neveritshme dhe mashtrime.
Vuçiq tha se të hënën do të takohet me përfaqësuesit e serbëve nga rajoni dhe patriarkun në tempullin e Shën Savës, dhe do të diskutojë për rezolutën për Srebrenicën.
“Ajo që është e sigurt është se ne do të luftojmë. Ju garantoj këtë. E di sa e madhe është forca kërcënuese dhe sa të fortë janë dhe se do të bëjmë më të mirën”, tha Vuçiq.
Ai tha se flasin për unitetin e diversitetit dhe tjetra është se ka përgjegjësi individuale, transmeton Sinjali.
“Shikoni pamaturinë e mediave të tyre se Serbia po jeton në Mal të Zi. Ne jemi ata që kryejmë agresionin në rajon, kjo është sjellje e çmendur, gënjeshtra… Të enjten në mbrëmje do të dimë kush janë miqtë tanë në botë, do të tregojmë në çdo vend se kush nuk voton janë miqtë tonë, për pjesën tjetër do ta dimë mirë se nuk janë miqtë tanë”, u shpreh ai.