Kandidati për kryeministër nga radhët e PDK-së, Bedri Hamza ka thënë se partia e tij do t’i votojë marrëveshjet ndërkombëtare.
Ai tha se këtë vendim e kanë marrë pas mbledhjes së Grupit Parlamentar dhe diskutimeve brenda strukturave të partisë.
Hamza tha se këto marrëveshje i përkrahim pa kushtëzime.
“Ne kemi vendosur që t’i përkrahim dhe t’i votojmë të gjitha marrëveshjet financiare ndërkombëtare të cilat janë në rend dite në seancën e Kuvendit të Republikës së Kosovës. Këto marrëveshje i përkrahim pa kushtëzime. Fatkeqësisht nuk kemi pasur një kërkesë dhe një qasje të duhur dhe pozitive edhe nga ana e qeverisë… Sidoqoftë ne i kemi negociuar një pjesë të këtyre marrëveshjeve financiare ndërkombëtare dhe ne nesër në seancën e Kuvendit do t’i përkrahim dhe do të japim votën tonë për aprovimin e këtyre marrëveshjeve”, ka thënë ai në një konferencë për media.
Hamza tutje tha se ky qëndrim i tyre nuk ka të bëjë për një koalicion të mundshëm.
“Nuk bëhet fjalë për kurrfarë koalicioni, s’jemi t’u folë për koalicione, jemi në garë për me punu shumë, me i bindë qytetarët me program me listë”, tha Hamza, përcjell Tëvë1.
Disa marrëveshje ndërkombëtare që një kohë të gjatë kanë janë bartur nga një seancë në tjetrën si rend dite për shkak të mosvotimit nga opozita, konkretisht nga PDK e AAK, pasi LDK në disa raste kishte deklaruar se do t’i votojë këto marrëveshje.
