Presidentja e Kosovës Vjosa Osmani, i ka përkujtuar Masakrat që ndodhën 25 vjet më parë në fshatrat e Pejës: Qyshk, Zahaq, Llabjan dhe Pavlan, përcjell InLajmi.
Ajo tha se 25-vjet më parë, forcat e regjimit gjenocidal serbe vranë e masakruan barbarisht 44 civilë në Qyshk, 17 në Zahaq, 21 në Pavlan dhe 13 në Llabjan.
Sikurse në çdo masakër kudo në Kosovë, synimi i forcave kriminale ishte shfarosja dhe spastrimit etnik i shqiptarëve, shtoi Osmani.
Ajo gjithashtu tha se në këtë përvjetor i kujtojmë me dhimbje martirët e këtyre fshatrave dhe riafirmojmë përkushtimin tonë për drejtësi.
Njoftimi i plotë i Presidencës së Kosovës:
Presidentja Vjosa Osmani kujton 25-vjetorin e Masakrës në Qyshk, Zahaq, Llabjan dhe Pavlan
25-vjet më parë, forcat e regjimit gjenocidal serbe vranë e masakruan barbarisht 44 civilë në Qyshk, 17 në Zahaq, 21 në Pavlan dhe 13 në Llabjan.
Sikurse në çdo masakër kudo në Kosovë, synimi i forcave kriminale ishte shfarosja dhe spastrimit etnik i shqiptarëve.
Në këtë përvjetor i kujtojmë me dhimbje martirët e këtyre fshatrave dhe riafirmojmë përkushtimin tonë për drejtësi.
Qoftë i përhershëm kujtimi dhe nderimi për të gjithë të rënët për liri!/InLajmi/
