Në kryeqytetin financiar të Indisë Mumbai, 14 persona humbën jetën kur një billbord i madh u shemb, thanë zyrtarët të martën.
Billbordi, i vendosur pranë një rruge të ngarkuar në zonën Chheda Nagar të periferisë lindore të Ghatkopar, u shemb të hënën në mbrëmje për shkak të një stuhie të shoqëruar nga erëra të forta, tha Korporata Komunale Brihanmumbai, shkruan Anatolia.
Ai tha se numri i vdekjeve të konfirmuara ishte 14 që nga mëngjesi i së martës.
31 persona të tjerë u liruan nga spitali pasi iu dha ndihma, thanë zyrtarët, duke shtuar se operacionet e shpëtimit janë ende në vazhdim.
Menjëherë pas incidentit, korporata njoftoi se më shumë se 100 persona me siguri kanë mbetur të bllokuar dhe pas kësaj 60 persona janë shpëtuar dhe dërguar në spital, transmeton Gazeta Express.
Të hënën në mbrëmje, Devendra Fadnavis, zëvendëskryeministri i shtetit Maharashtra, tha se ishte urdhëruar një hetim mbi incidentin dhe do të ndërmerren veprime të rrepta kundër atyre që janë përgjegjës.
