Presidentja e Kosovës, Vjosa Osmani ka kujtuar përvjetorin e rënies së heroit Sali Çekaj, përcjell InLajmi.
Osmani tha se Sali Çekaj përveç lider ushtarak, ishte edhe politikan vizionar e jurist i shkëlqyer, i cili për realizimin e idealit të tij ishte i vendosur deri në fund, ndaj ra heroikisht në Betejën e lavdishme të UÇK-së, në Koshare.
Ajo tha se shembja e kufirit mes shqiptarëve ishte përmbushja e idealit të cilin e kishte filluar që nga viti 1991 kur kishte realizuar përgatitjet stërvitore ushtarake në Shqipëri së bashku me komandantin e UÇK-së, Adem Jashari dhe bashkëluftëtarin Zahir Pajaziti.
Ajo gjithashtu tha që kujtimi për heroin Sali Çekaj qoftë i përhershëm.
Njoftimi i plotë i Presidentës së Kosovës:
Presidentja Vjosa Osmani.kujton përvjetorin e rënies së heroit Sali Çekaj
Sali Çekaj, përveç lider ushtarak, ishte edhe politikan vizionar e jurist i shkëlqyer, i cili për realizimin e idealit të tij ishte i vendosur deri në fund, ndaj ra heroikisht në Betejën e lavdishme të UÇK-së, në Koshare.
Shembja e kufirit në mes shqiptarëve ishte përmbushja e idealit, të cilin konkretisht e kishte filluar që nga viti 1991 kur kishte realizuar përgatitjet stërvitore ushtarake në Shqipëri së bashku me komandantin e UÇK-së, Adem Jashari dhe bashkëluftëtarin Zahir Pajaziti.
Veprimtaria e bujshme politike e ushtarake, cilësitë e tij të jashtëzakonshme prej organizatori e lideri të vërtetë, si dhe rënia e tij heroike në Betejën e lavdishme të Koshares, e bëjnë atë ndër figurat e shquara të historisë së re të Kosovës.
Qoftë i përhershëm kujtimi për heroin Sali Çekaj!/InLajmi/