I dërguari special i BE-së në dialogun Kosovë-Serbi, Miroslav Lajçak në forumin “BE takon Ballkanin” ka konfirmuar se javën tjetër do të ftoj sërish për takim në Bruksel palën kosovare dhe atë serbe lidhur me çështjen e dinarit.
Emisari evropian theksoi se në 5 javët e fundit kanë zhvilluar 4 takime me të 2-ja palët dhe se siç tha ai nuk duhet të jenë qytetarët ata që duhet të “pagujnë çmimin”.
“Në 5 javët e fundit kemi pasur 4 takime mes 2 delegacioneve dhe javën e ardhshme do të ketë një takim tjetër. Ne përsëri u gjendëm në situatën që duhet të përballemi me pasojat e një vendimi dhe të mos diskutojmë para se të marrim vendimin”, tha Lajçak në forum.
“Tani, ne duhet të vendosim dhe duam të sigurohemi që të mos jenë njerëzit ata që paguajnë çmimin”, tha tutje Lajçak.
Emisari evropian tha gjatë forumit se ka përpjekje nga palët për të gjetur zgjidhje, dhe shpreson që ajo të arrihet në takimin e javës së ardhshme.
“Pra, ajo që dua të them është se diskutimet janë ndërtuar, palët po vijnë atmosfera është më konstruktive se zakonisht, do të thosha. Dhe ka një përpjekje për të gjetur një zgjidhje. Kështu që ne bëmë herën e fundit, të enjten e kaluar”, tha ai, përcjell Reporteri.
“Dhe për të shpëtuar janë paraqitur propozimet e palëve. Uh, ne përpiqemi të arrijmë këto propozime. Nuk ishte shumë e mundur. Kështu që herën e fundit ne si Bashkim Evropian i kemi prezantuar idetë tona dhe ato janë pranuar nga të 2-ja palët. Pra, po, por ne do të takohemi javën e ardhshme, dhe shpresojmë ta finalizojmë. Marrëveshja, në bazë të ideve të paraqitura nga Bashkimi Evropian”, tha Lajçak.
