Mospjesëmarrja e kabinetit qeveritar në seancën parlamentare të së premtes, ka bërë që opozita ta kërkojë shtyrjen e saj.
Deputeti i Lidhjes Demokratike të Kosovës, Besian Mustafa, ka kritikuar ashpër kabinetin qeveritar për mospjesëmarrjen e tyre në Kuvend.
Ai ka theksuar se mungesa e përgjigjeve në pyetjet parlamentare dhe pjesëmarrja e kufizuar e ministrave tregon frikën dhe mosguximin e tyre për të ballafaquar me pyetjet e deputetëve opozitarë.
“Frikacak! Nuk kanë guxim as pyetjeve parlamentare të u përgjigjen. Kur nuk kanë punuar asgjë 3 vjet, s’kanë guxim as të ballafaqohen me pyetje!”, ka thënë deputeti i LDK-së, Mustafa.
Në seancë, përveç ministrit të Bujqësisë, Faton Peci, një numër i madh i deputetëve mungojnë, shkruan TV Dukagjini.
Disa prej tyre, përfshirë deputetë të LDK-së, e lëshuan edhe sallën si protestë ndaj mospjesëmarrjes së mazhorancës.
