Ka shkuar në 29 numri i personave të vdekur nga një zjarr i cili ka filluar gjatë punimeve të restaurimit në një klub nate në Stamboll të Turqisë.
Bëhet e ditur se përveç të vdekurve, 8 persona të tjerë janë plagosur, ku 7 prej tyre janë në gjendje të rëndë.
Zyra e guvernatorit tha se zjarri filloi në lagjen Beshiktash në qendër të Stambollit në anën evropiane të qytetit dhe se të gjithë viktimat ishin punëtorë ndërtimi, shkruan CNN.
Ministri turk i Drejtësisë, Yilmaz Tunc bëri të ditur se policia turke ka lëshuar urdhër-arrest për 5 persona, duke përfshirë 3 menaxherë të klubit, transmeton Klan Kosova.
“Inspektimi i vendit dhe përpjekjet për mbledhjen e provave janë duke vazhduar, dhe një ekip prej 3 ekspertësh të specializuar në sigurinë në punë dhe zjarrin po vazhdojnë gjithashtu punën e tyre për të përcaktuar shkakun e zjarrit”, tha ai.
