Presidentja e Republikës së Kosovës Vjosa Osmani, ka thënë se për avokatin Bajram Kelmendi dhe djemtë e tij duhet të vendoset drejtësia, përcjell InLajmi.
Osmani tha se 25 vjet më parë, Kosova humbi luftëtarin për të drejta të njeriut, avokatin Bajram Kelmendi dhe 2 djemtë e tij, Kastriotin dhe Kushtrimin.
Ajo tha se në këtë përvjetor, riafirmojmë përkushtimin tonë për vënien e autorëve të krimit para drejtësisë për vrasjen e avokatit Kelmendi dhe djemve të tij. Ai bëri një jetë të tërë në mbrojtje dhe kërkim të drejtësisë, ndaj i detyrohemi vendosjes së drejtësisë.
Presidentja tutje tha se veprimtari e e avokatit Kelmendi mbetet trashëgimi e çmuar për ne dhe për brezat.
Njoftimi i plotë nga presidenca:
Presidentja Vjosa Osmani: Për avokatin Bajram Kelmendi dhe djemtë e tij duhet të vendoset drejtësia
25 vjet më parë, Kosova humbi luftëtarin për të drejta të njeriut, avokatin Bajram Kelmendi dhe 2 djemtë e tij, Kastriotin dhe Kushtrimin.
Një ditë pasi që u rrëmbyen nga shtëpia e tyre nga forca të regjimit gjenocidal të Millosheviqit, u ekzekutuan mizorisht.
Në këtë përvjetor, riafirmojmë përkushtimin tonë për vënien e autorëve të krimit para drejtësisë për vrasjen e avokatit Kelmendi dhe djemve të tij. Ai bëri një jetë të tërë në mbrojtje dhe kërkim të drejtësisë, ndaj i detyrohemi vendosjes së drejtësisë.
Veprimtaria e avokatit Kelmendi mbetet trashëgimi e çmuar për ne dhe për brezat.
Qoftë i përhershëm kujtimi për Bajram Kelmendin dhe 2 djemtë e tij! /InLajmi/
