Një kontingjent prej 100 ushtarësh bullgarë do të vijnë në Kosovë për t’iu bashkuar misionit paqeruajtës KFOR.
Ceremonia zyrtare e dërgimit të kompanisë manovruese do të mbahet më 21 mars në bazën ushtarake në qytetin Yambol.
Në këtë aktivitet do të marrin pjesë zëvendësshefi i mbrojtjes i vendit, gjeneral-lejtnant Mikhail Popov dhe komandanti i Forcave Tokësore, gjeneralmajor Dejan Deshkov.
Sipas Ministrisë bullgare të mbrojtjes, në përbërjen e formacionit janë përfshirë rreth 100 ushtarakë, kryesisht nga Brigada e 2-të e Mekanizuar e Forcave Tokësore, si dhe efektivë nga Komanda e Forcave të Bashkuara, KIS Mobile dhe Akademia Mjekësore Ushtarake, shkruan KlanKosova.
Kontingjenti përfundoi stërvitjen në batalionin e 42-të të mekanizuar Yambol dhe u certifikua me notën “Gati për Luftim” nga një komision nga Komanda e Forcave të Përbashkëta.
