Deputeti i LDK-së, Avdullah Hoti ka kritikuar Qeverinë e tanishme përcjell InLajmi.
Ai tha se vendimet duhet të merren në Prishtinë, dhe jo të dialogojnë me Serbinë në Bruksel.
Sipas Hotit është dashur të dëgjoheshin këshillat e miqve dhe të vazhdohej dialogu i nisur për marrëveshje finale për njohje reciproke.
Mbrapshtitë e qeveritarëve në shkuarje na acaruan raportet me gjithë botën demokratike, na dhanë të mbrapshtën, na krijuan status quo të re, na bllokuan procesin eurointegrues, përfundoi Hoti.
Postimi i plotë i tij:
Në vend që vendimet të merren në Prishtinë në bashkëpunim dhe sipas këshillave të miqve tanë, këta shkojnë të dialogojnë me Serbinë në Bruksel.
Para një jave thonin se nuk diskutojnë në Bruksel për çështjen e dinarit. Tani detyrohen të ulen në tavolinë.
Në vend se të dëgjoheshin këshillat e miqve e të vazhdohej dialogu i nisur për marrëveshje finale për njohje reciproke, mbrapshtitëqeveritarëve në shkuarje na acaruan raportet me gjithë botën demokratikee, na dhanë të mbrapshtën, na krijuan status quo të re, na bllokuan procesin eurointegrues, na sollën sanksione, na cënuan raportet shtetërore me Shqipërinë e Maqedoninë e Veriut, i bënë pikë e pesë shqiptarët në Luginë e në Maqedoni të Veriut/InLajmi/
