Kryetari i Partisë Demokratike të Kosovës Memli Krasniqi, ka bërë homazhe në Kompleksin Memorial “Adem Jashari” në Prekaz me rastin e 26 vjetorit të Epopesë së UÇK-së, raporton InLajmi.
Krasniqi tha se sa herë gjenden në Prekaz kanë emocine e sidomos gjatë Epopesë së UÇK-së, duke shtuar se datat 5,6 dhe 7 mars shënojnë kthesë të madhe për historinë e kombit tonë.
“Sa herë që jemi në Prekazin legjendar në këtë vend ku i ka rrënjët liria e popullit tonë, padyshim që kemi emocione e sidomos gjatë Epopesë së UÇK-së, gjatë Epopesë së familjes Jashari, sepse këto janë datat të cilat shënojnë kthesën më të madhe në historinë e kombit tonë”, tha Krasniqi.
Kreu i PDK-së tha se e kanë për obligim jo vetëm ta kujtojnë me krenari, ndër e respekt gjithmonë sakrificën titanike të familjes Jashari në krye me komandanti legjendar Adem Jashari, por edhe të frymëzohen gjithmonë nga kjo sakrificë e lavdishme për të bërë punë të mira për Kosovën dhe qytetarët e saj.
“Sepse ato kur ndodhën në vitin 1998 jo vetëm që zgjuan vetëdijen tonë kombëtare por ato për herë të parë morën edhe vëmendjen ndërkombëtare gjë që ndihmojë në masivizimin e luftës çlirimtare të UÇK-së në kryengritjen e përgjithshme popullore e cila rezultoi me çlirimin tonë e me vonë edhe me ndërtimin e shtetit që e kemi. Andaj e kemi për obligim jo vetëm ta kujtojmë me krenari, ndër e respekt gjithmonë sakrificën titanike të familjes Jashari në krye me komandanti legjendar Adem Jashari, por edhe të frymëzohemi gjithmonë nga kjo sakrificë e lavdishme për të bërë punë të mira për venin ton dhe qytetarët tanë”, tha Krasniqi.
Krasniqi ishte në Prekaz së bashku me kryetarin e Skenderajt, Fadil Nura, Ramiz Lladrovcin i Drenasit dhe Bedri Hamzën e Mitrovicës së jugut. /InLajmi/
