Kreu i Aleancës për Ardhmërinë e Kosovës Ramush Haradinaj, ka përgëzuar Shqipërinë për bazën ajrore të NATO-s në Kuçovë, përcjell InLajmi.
Haradinaj tha se është bazë e sigurisë rajonale të Ballkanit, ku sa më afër NATO-s, jemi më të lirë e më të sigurtë, por anëtarësimi i plotë i Kosovës në këtë Aleancë, sigurinë do ta bënte më të plotë.
Tutje ai tha se nuk mund të mos e shpreh indinjatën e tij të thellë për qeverinë e Albin Kurtit, e cila po e turpëron Kosovën duke dalur nga kontrata politike me udhëheqësit e NATO-s.
Postimi i plotë i tij:
Baza ajrore e NATO-s në Kuçovë të Shqipërisë, që është hapur sot, është bazë e sigurisë rajonale të Ballkanit. Sa më afër NATO-s, jemi më të lirë e më të sigurtë, por anëtarësimi i plotë i Kosovës në këtë Aleancë, sigurinë do ta bënte më të plotë.
E përgëzoj Shqipërinë për rreshtimin e saj të natyrshëm në këtë Aleancë, por nuk mund të mos shpreh indinjatën time të thellë për qeverinë e Albin Kurtit, e cila po e turpëron Kosovën duke dalur nga kontrata politike me udhëheqësit e NATO-s. /InLajmi/
