Koordinatorja e Departamentit për Mbrojtje dhe Siguri Kombëtare në Kabinetin për Qeverisje të Mirë të PDK-së, Besa Kabashi-Ramaj ka uruar Shqipërinë për inaugurimin e bazës ajrore të NATO-s në Kuçovë, përcjell InLajmi.
Kabashi-Ramaj tha se Shqipëria ka shënuar një moment historik, në aftësitë e saj mbrojtëse dhe strategjike.
Tutje u shpreh se ky rast i rëndësishëm është një dëshmi e largpamësisë dhe lidershipit të kryeministrit Rama dhe administratës së tij, që lidhur me Organizatën e Traktatit të Atlantikut të Veriut, Shqipëria jo vetëm që ka forcuar sigurinë e saj, por edhe ka çimentuar pozicionin e saj si një forcë serioze në rajon.
Kabashi-Ramaj tha se ky zhvillim është një tregues i qartë i rritjes së Shqipërisë si një lojtar kyç në skenën ndërkombëtare.
Ajo theksoi se është një privilegj të jetosh në një epokë të tillë historike ku Shqipëria shfaqet si një faktor kryesor rajonal, duke krijuar aleanca të forta dhe duke demonstruar përkushtimin e saj për paqen dhe stabilitetin.
Postimi i plotë i saj:
Shqipëria ka shënuar një moment historik, në aftësitë e saj mbrojtëse dhe strategjike, me inaugurimin e bazës ajrore të NATO-s në Kuçovë.
Ky rast i rëndësishëm është një dëshmi e largpamësisë dhe lidershipit të kryeministrit Rama dhe administratës së tij. Duke u lidhur me Organizatën e Traktatit të Atlantikut të Veriut, Shqipëria jo vetëm që ka forcuar sigurinë e saj, por edhe ka çimentuar pozicionin e saj si një forcë serioze në rajon. Ky zhvillim është një tregues i qartë i rritjes së Shqipërisë si një lojtar kyç në skenën ndërkombëtare.
Është me të vërtetë një privilegj të jetosh në një epokë të tillë historike ku Shqipëria shfaqet si një faktor kryesor rajonal, duke krijuar aleanca të forta dhe duke demonstruar përkushtimin e saj për paqen dhe stabilitetin.
Urime Shqipërisë për këtë arritje të jashtëzakonshme! /InLajmi/
