Kryetari i Gjilanit, Alban Hyseni, ka deklaruar se autostrada Prishtinë – Gjilan do të përfundojë brenda vitit 2024.
Shembja e dheut ishte një nga shkak arsyet, që, sipas tij, nuk ka përfunduar ende rruga në kohën e premtuar.
“Ka pasur revidim të projektit të autostradës së Gjilanit, është zgjeru zona e shpronësimit, është rritë hapësira në të cilën do të ndërtohet pjerrtësia, ku do të bëhen gërmimet. Më herët nuk ka pasur shembje të dheut, ka vende ku deri në 50 metra duhet të gërryhet kodra”, ka deklaruar Hyseni.
Autostrada Prishtinë-Gjilan nuk është hapur për qarkullim në vitin 2023, siç kishte premtuar kryeministri i Kosovës, Albin Kurti dhe kryetari i kësaj komune, shkruan Dukagjini.
Po ashtu, Hyseni ka deklaruar se ka pasur probleme me projektin e mëhershëm.
