Ish-kryeministri i Kosovës Avdullah Hoti tha se para 2 jave, Kosova u kritikua në Këshillin e Sigurimit për vendime të pakoordinuara, përcjell InLajmi.
Hoti tha se kritikat nuk ishin vetëm nga Kina e Rusia, por nga aleatët që Kosovës i’a sigurojnë kufijtë.
Ai tha se gjatë këtyre 2 javëve aleatët kanë kërkuar me ngulm koordinim në Prishtinë vetëm për evitim të pasojave për qytetarët e Kosovës të komunitetit serb. Asgjë tjetër nuk kanë kërkuar.
Tutje tha se qeveritarët “e ndritur” të Kosovës nuk deshën të arrijnë dakordim në Prishtinë me aleatët. Por pranojnë që këtë çështje ta diskutojë me Serbinë në Bruksel në kuadër të dialogut.
Hoti tha se mund t’i thuash jo dialogut në Bruksel për dinarin, por pastaj nuk mundesh.
Postimi i plotë i tij:
Para 2 jave, Kosova u kritikua në Këshillin e Sigurimit për vendime të pakoordinuara. Kritikat nuk ishin vetëm nga Kina e Rusia, por nga aleatët që Kosovës ia sigurojnë kufijtë.
Gjatë këtyre 2 javëve, aleatët kanë kërkuar me ngulm koordinim në Prishtinë vetëm për evitim të pasojave për qytetarët e Kosovës të komunitetit serb. Asgjë tjetër nuk kanë kërkuar.
Qeveritarët “e ndritur” të Kosovës nuk deshën të arrijnë dakordim në Prishtinë me aleatët. Por pranojnë që këtë çështje ta diskutojë me Serbinë në Bruksel në kuadër të dialogut.
Kjo nuk do koment. Këto janë pasojat kur vendimmarrja shtetërore i nënshtrohet interesit elektoral.
“Mund t’i thuash jo dialogut në Bruksel për dinarin, por pastaj nuk mundesh”. /InLajmi/