Ministrja e Punëve të Jashtme, Donika Gërvalla, reagon pas disa raportimeve se ajo ka kërkuar tërheqjen e ambasadorit gjerman në Kosovë, Jorn Rohde, përcjell InLajmi.
Gërvalla thekson se pretendimi se ka kërkuar largimin e Rohdes është sa i pavërtetë, aq edhe absurd.
Tutje shton se nuk duhet të befasohemi kur të lexojmë që kam kërkuar edhe shkarkimin e Kancelarit Scholz dhe Ministres së Jashtme Baerbock.
Postimi i plotë i saj:
Pretendimi që kinse paskam kërkuar largimin e ambasadorit gjerman Rohde është sa i pavërtetë, aq edhe absurd. Është në vazhdën e fushatave dhe sulmeve të përditshme ndaj meje dhe institucionit që drejtoj.
Nuk duhet të befasohemi kur të lexojmë që kam kërkuar edhe shkarkimin e Kancelarit Scholz dhe Ministres së Jashtme Baerbock.
Marrëzia nuk paska fund!/InLajmi/
