Ambasadori i Republikës Popullore të Kinës në Serbi Li Ming deklaroi se Kina mbështet integritetin territorial të Serbisë, ndërsa vuri në theks edhe dialogun Kosovë- Serbi, transmeton InLajmi.
Ai shpreh shqetësimin se veprimet e njëanshme të palëve mund të tensionojnë situatën.
Ambasadori kinez Li Ming në një intervistë për RTS tha se çështja e Kosovës duhet të zgjidhet me dialog dhe se zgjidhja duhet të jetë në kuadër të Rezolutës 1244 të Këshillit të Sigurimit të Kombeve të Bashkuara.
Ambasadori theksoi se duhet respektuar plotësisht sovraniteti, pavarësia dhe integriteti territorial i Republikës së Serbisë.
“Ne i kemi vëzhguar me kujdes ngjarjet e fundit në Kosovë dhe jemi të shqetësuar, besojmë se çdo veprim i njëanshëm mund të çojë në përhapjen e panikut dhe të çojë në përshkallëzim të tensioneve dhe kjo nuk është në interesin e askujt, as të një pale të vetme, as në interes të paqes dhe stabilitetit rajonal”, tha Lee.
Lee theksoi se të marten kishte një takim të shkëlqyer me presidentin e Serbisë, Aleksandar Vuçiq, në të cilin, siç tha ai, janë shkëmbyer mendime dhe ide për marrëdhëniet bilaterale mes 2 vendeve. /InLajmi/
