Kryeministri Edi Rama këtë të dielë në një vizitë zyrtare në Katar është takuar me kryeministrin e vendit, Mohammad bin Abdulrahman bin Jassim Al Thani.
Përmes një postimi në rrjetet sociale, Rama ka ndarë pamje nga takimi, duke theksuar se gjatë bisedimeve u diskutua për thellimin e bashkëpunimit mes dy vendeve dhe për disa projekte me peshë të rëndësishme për Shqipërinë.
“Në rezidencën e Kryeministrit dhe Ministrit të Punëve të Jashtme të Katarit, Sheikh Mohammad bin Abdulrahman bin Jassim Al Thani, ku biseduam për thellimin e bashkëpunimit dhe disa projekte me peshë të rëndësishme për Shqipërinë”, shkruan Rama në postimin e tij.
