Një robot autonom i krijuar për të identifikuar gropat, pritet të testohet në rrugë për herë të parë.
Roboti i quajtur ARES, ka aftësi të identifikojë gropat dhe çarjet në rrugë, dhe t’i rregullojë ato përkohësisht në mënyrë që mos të përkeqësohen për shkak të neglizhencës së një shteti.
Nëse do të ketë sukses, ARES pritet të kursejë kohë dhe para, me një teknologji që do të radhitë Britaninë e Madhe si një ndër vendet me rrjetin më të mirë rrugor, shkruan Alsat.m.
Ky zbulim vjen në një kohë kur Britania e Madhe është mjaft e ngarkuar me gropa për shkak të trafikut të dendur dhe klimës së ftohtë gjatë muajve të dimrit.
